Dalla Rivista Bilingue delle Identità Lacanas (anno VIII, n.47, VI 2010)
La Lingua sarda
e l’insegnamento a scuola
Francesco Casula
S’imparu de sa limba sarda in is iscolas de dònnia ordini e gradu tocat a ddu ponni in motu imoi. Non fait a ispetai ancora. Custu est su chi narat s’ollolaesu Franciscu Casula in custu libru, chi tenit che sutatìtulu: ‘La legislazione europea, italiana e sarda a tutela delle minoranze linguistiche’.
Di in di ddu narant pedagogistas, linguistas, glotòlogus, psicologus, psicoanalistas e psichiatras chi sa limba ma ma est una cosa de massimu importu po su pipiu, poita dd’agiudat in s’isvilupu de sa personalidadi e po s’inserimentu in sociedadi. In prus, comenti ispiegat in custas pàginas Casula – chi est istétiu po 40 annus professori in is iscolas superioris – sa limba sarda podit essi bona po personalizai s’esperiéntzia iscolàstica, po acapiai is giòvunus a is valoris artus de sa civiltadi sarda, e po arremai po sempri su pentzamentu chi finas a oi at bullau su sardu comente ‘serrau‘ e duncas comente una cosa chi fait bregungia.