S’Emigratzione de sos Sardos in s’Istoria de Frantziscu Casula

S’EMIGRAZIONE DE SOS SARDOS IN S’ISTORIA

Programma di Videolina ore 22.00 del 14-11-2014

Pimpirias

condotta da Tore Cubeddu

Testo scritto della mia Intervista che ha aperto la trasmissione

Su Emigrazione e Immigrazione

Sos Sardos cumintzant a emigrare in s’agabbu de s’Otighentos pro curpa de sa politica de su Guvernu italianu chi in Sardigna (e in totu su Meridione) produit una crisi economica e sotziale manna, manna meda. Acuntesset custu: su capu de su Guvernu Frantziscu Crispi in su 1887 segat sos raportos cumertziales cun sa Franza e custa pro vengantzia e ritorsione non comporat prus sos produtos agriculos e pastorales dae sa Sardigna ( su binu, su casu, sa petza, etc.). S’economia sarda est a culu in terra ca sa Sardigna non tenet prus su mercadu frantzesu. Duncas sos pretzios de sos produtos agriculos mìnimant semper de prus, de su late comente de su binu, chi dae 30-35 e finas 40 liras a etolitru mìnimant a 6-7 liras.
Unu disacatu mannu: massajos e pastores non podent tirare sa vida cun cusssos pretzios e duncas cumitzant a emigrare: in prus de chentu migia andant a Europa, finas a Africa ma mescamente a America (Argentina mescamente).

Un’atera unda de emigratzione la tenimus in sos annos chimbanta/sessanta: propiu cando in Italia connoschent su boom economicu in Sardigna, de custu, no intendimus mancu su fragu e sighimus a lassare s’Isula pro su disterru a Germania, Olanda o a sa Fiat in Torinu. Dae su 1954 a su 1970 prus de 400 migia Sardos lassant sa Sardigna. Sa de tres undadas de emigratzione la semus bidende oe etotu: cun sos giovanos laureados chi no agatant traballu inoghe e si nch’andant a foras.

 

S’Emigratzione de sos Sardos in s’Istoria de Frantziscu Casulaultima modifica: 2014-11-15T20:49:04+01:00da zicu1
Reposta per primo quest’articolo

Lascia un commento